26:T7da,

Янги ўқув йилида иккинчи ва ундан кейинги таълим учун номзодларни онлайн рўйхатдан ўтказиш жараёнлари 10 июлдан 10 августга қадар давом этади. Бу ҳақида Таълим хабарлари Telegram-канали хабар берди.

Маълум қилинишича, 2026-2027 ўқув йилида иккинчи ва ундан кейинги таълим учун талабгорларни онлайн рўйхатдан ўтказиш 10 июль санасидан бошлаб «my.edu.uz» орқали онлайн шаклда амалга оширилади.

Бунда номзодлар платформада ўзининг паспорт ва ЖШШИР маълумотларини киритади, диплом ва унинг иловасининг электрон нусхасини юклайди ҳамда ўқиш истагини билдирган олий таълим муассасаси ва таълим йўналишини танлайди.

Қайд этилишича, иккинчи ва ундан кейинги олий маълумот бўйича ўқитиш тўлиқ тўлов-контракт асосида амалга оширилади.

Маълумот учун, иккинчи мутахассислик бўйича қабул квоталари ОТМнинг илмий-педагогик салоҳияти ва моддий-техник базасидан келиб чиқиб, олий таълим муассасасининг ўз кенгаши томонидан мустақил белгиланади.