Бугун, 3 июнь куни Фарғона вилоятининг Бағдод туманидаги фермер хўжаликларидан биридаги мембранали қопламали сув ҳавзасида бир нафар фуқаро чўкиб ҳалок бўлди.

Шу муносабат билан, ФВВ мутахассиси қишлоқ хўжалигида фойдаланиладиган мембранали қоплама асосида қурилган бундай сув резервуарларидан фойдаланувчи фермерлар қандай хавфсизлик чораларини кўриши зарурлиги ва ушбу талабларга риоя қилмаслик нега атрофдагилар учун жиддий хавф туғдириши мумкинлиги ҳақида маълумот берди.

Унга кўра, мембраналарга чўмилиш ёки эҳтиётсизлик туфайли тушиб кетган фуқаролар қирғоқ юзаси ҳаддан ташқари сирпанчиқлиги ва қутқарув арқонлари йўқлиги сабабли ўлим ҳолатлари кузатилмоқда. Бу каби воқеаларнинг олдини олиш мақсадида фермерлар ва тадбиркорлар мембраналардан фойдаланиш жараёнида ҳавза атрофини махсус панжаралар билан ўраши, шунингдек, сув юзасига нажот арқонларини ўрнатиши талаб этилади.

«Ҳурматли фермер хўжалиги вакиллари ушбу хавфсизлик қоидаларига риоя қилиш нафақат бегона фуқароларнинг, балки сизнинг яқинларингизни ҳам ҳаётини сақлаб қолиши мумкин» дейди ФВВ мутахассиси.