Эрон парламентининг миллий хавфсизлик бўйича қўмитаси раҳбари Иброҳим Азизий Ислом Республикаси АҚШ билан мазмунсиз музокаралар учун вақт сарфлаш ниятида эмаслигини ва Вашингтондан ўз позициясини ойдинлаштиришни кутаётганини маълум қилди. Унинг сўзларидан ТАСС иқтибос келтирмоқда.

«Биз хавотир сезмаяпмиз. Аммо вақт ўтказиш мақсадида музокаралар олиб борилишини қабул қилмаймиз. Музокаралар Эрон учун сезиларли ва аниқ натижаларга олиб келиши керак. Америка томони эса ҳозирга қадар ушбу музокараларда ўз позициясини аниқ ифодалаб бера олгани йўқ», — дейилади хабарда.

Эрон ТИВ расмий вакили Исмоил Бақоий Ислом Республикаси ҳозирча Исломободда (Покистон) АҚШ билан бўладиган музокараларнинг иккинчи раундида иштирок этиш бўйича бир қарорга келмаганини билдирди.

Эслатиб ўтамиз, кеча Америка етакчиси Дональд Трамп АҚШ делегацияси душанба куни Эрон билан музокаралар ўтказиш учун Покистонга етиб келишини маълум қилган эди.