Табиий газдан ноқонуний фойдаланиш ҳолатлари фош этилди. Бу ҳақида Иқтисодий жиноятларга қарши курашиш департаменти хабар берди.

Маълум қилинишича, Бош прокуратура ҳузуридаги Департаментнинг Андижон шаҳри бўлими томонидан терговга қадар текширув ўтказилган.

Унда ЯТТ «Х.Д.» ва бошқалар «Экин-текин» МФЙ ҳудудидаги нодавлат мактабгача таълим муассасасида табиий газ тармоғига тижорат мақсадида ўзбошимчалик билан ўғридан-тўғри уланиб, 169,5 млн сўмлик табиий газдан ноқонуний фойдаланганликлари маълум бўлган.

Шу каби яна бир ҳолат, Департаментнинг Шароф Рашидов тумани бўлими томонидан ўтказилган терговга қадар текширувда ҳам аниқланган.

Унга кўра, фуқаро П.М. «Ёшлик» МФЙ ҳудудидаги новвойхонада табиий газ тармоғига ўзбошимчалик билан уланиб, 134,8 млн сўмлик табиий газдан ноқонуний фойдаланганлиги фош қилинган.

Ҳозирда мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.