26:T79a,

Сурхондарё вилоятида «Damas» ва «Nexia» автомобиллари иштирокида аянчли йўл-транспорт ҳодисаси содир бўлди. Бу ҳақида Йўл ҳаракати хавфсизлиги хизмати хабар берди.

Маълум қилинишича, мазкур ҳодиса шу йилнинг 28 май куни соат 23:50 ларда Узун тумани «Чақар» маҳалласи ҳудудидан ўтувчи Д-169 автомобиль йўлининг 132-километрида содир бўлган.

Тафсилотларга кўра, 17 ёшли ҳайдовчилик гувоҳномасига эга бўлмаган ўсмир тўрт нафар синфдош дўстлари билан бирга «Damas» автомобилида ҳаракатланган.

Шундан сўнг, ўсмир йигит ўзи билан бир йўналишда ҳаракатланаётган, ҳайдовчилик гувоҳномасига эга бўлмасдан «Nexia» автомобилини бошқариб кетаётган 20 ёшли таниши билан «пойга» ўйнаб, йўл-транспорт ҳодисасига учраган.

Оқибатда «Damas» автомашинасининг вояга етмаган ҳайдовчиси ва «Nexia» автомобилининг йўловчиси вафот этган. Автомобилда бўлган бошқалар турли даражадаги тан жароҳатлари билан шифохонага етказилган.