Тоғлар бағрида булоқлар кўз очди

18:40 11 Июль 2018 Маданият
550 0
Фото: mcs.uz

Зоминнинг пурвиқор тоғлар билан ўралган сўлим Ўриклисой гўшасида юртимиз ёш ижодкорларининг анъанавий семинари бўлиб ўтди.

— Президентимиз ўтган йилнинг апрель ойида Жиззах вилоятига ташрифи чоғида Зомин семинар-анжуманини қайта тиклаш бўйича ўз фикр-мулоҳазаларини билдирган эди, — дейди Ўзбекистон Ёзувчилар уюшмаси раиси Сирожиддин Саййид. — Чинакам маҳорат майдонига айланган бу мактабда сабоқ олган жуда кўп ёшларимиз бугунги кунда фаол ижод қилишмоқда.

Семинарда ёш ижодкорлар учун бадиий таржима, публицистика, драматургия, шеърият, наср, болалар адабиёти йўналишлари бўйича машғулотлар, маҳорат сабоқлари ўтказилди. Ўзбекистон Ёзувчилар уюшмаси ва “Ижод” жамоат фонди томонидан “Биринчи китобим” лойиҳаси доирасида ғолибларнинг илк тўпламлари 20 минг нусхадан чоп этиладиган бўлди. Анжуман якунида иштирокчиларга эсдалик совғалар топширилди.
Толибжон ЭРГАШЕВ,
“Халқ сўзи” мухбири.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар