Жарима майдончасида сақланаётган 45 та автомобиль ёниб кетди

12:28 16 Июль 2018 Дунё
1066 0
Фото: Liter.kz

Куни кеча Қозоғистоннинг Чимкент шаҳридаги автомобилларга мўлжалланган жарима майдончасида кучли ёнғин содир бўлиши оқибатида 45 та транспорт воситаси ёниб кетган. Бундан ташқари унинг яқинида жойлашган мебель цехи ҳам зарарланган.

Бу ҳақда Tengrinews.kz манбаси хабар берди. Фавқулодда вазиятлар идорасининг маълум қилишича, аввалига КамАЗ русумидаги машина ёниб, ундаги олов бошқа автомобилларга, сўнгра мебель цехи томига ўтган.

Тилсиз ёв икки соат мобайнида 76 ўт ўчирувчи ва 17 та ихтисослаштирилган техника ёрдамида бартараф этилди.

Бироқ ўтган вақт ичида утилизацияга мўлжалланган 35 та ва ҳайдовчилари жаримага тортилган 10 та автомобиль ёниб бўлган эди.

Ёнғин майдони 294 квадрат метрни ташкил қилди. Қурбонлар ва жабрланганлар йўқ.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019