Юнусободда 20 йилдан буён фуқароларни қийнаб келаётган муаммо ҳал бўлди

16:31 17 Октябр 2018 Жамият
855 0

Фуқаролар томонидан Адлия вазирлигига “Сувлойиҳа” ДУК қарашли Юнусобод тумани, Юнусобод 1-берк кўчада жойлашган кўп қаватли 22-ётоқхонада узоқ йиллардан буён яшаб келаётган 16 нафар оила ва аъзоларининг талабидан келиб чиқиб, ушбу ётоқхонани тураржой мақомига ўтказиш масаласи бўйича мурожаат келиб тушди. Ушбу мурожаат белгиланган тартибда кўриб чиқилди, дея хабар беради вазирликнинг Жамоатчилик билан алоқалар бўлими бошлиғи С. Ўринбоева.

Уй-жой кодексининг 82-моддасида уйларни ётоқхоналарга ўтказиш, шунингдек ётоқхоналарга уйлар мақомини бериш уй-жой фондининг мулкдорлари томонидан маҳаллий давлат ҳокимияти органлари билан келишилган ҳолда амалга оширилиши белгиланган.

Муаммони ҳал этишда Юнусобод туман ҳокимининг 2018 йил 12 июнда қабул қилинган 282-ф-сонли алоҳида фармойиши асосида давлат қабул ҳайъати аъзолари томонидан ётоқхонани тураржой мақомига ўтказиш масаласи кўриб чиқилиши таъминланди. Юнусобод туман ҳокимининг тегишли қарорига асосан, 22-ётоқхона биноси ётоқхона мақомидан чиқарилиб, уй-жой фонди рўйхатига киритилди.

Натижада 20 йилдан буён фуқароларни қийнаб келаётган муаммо ҳал этилди. Яъни 16 нафар оила ўз уйига эга бўлди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?