Япония элчихонаси Исҳоқхон ибрат мактабида япон тилини ўргатиш маркази ташкил этиш таклифини билдирди

09:53 11 Ноябрь 2019 Жамият
149 0

Ўтган шанба куни Япониянинг мамлакатимиздаги элчихонаси вакиллари Наманган вилоятига ташриф буюрди. Кун чиқар мамлакат элчисининг маслаҳатчиси Суда Ацущи бошчилигидаги делегация ташриф чоғида Турақўрғон туманидаги Исхоқхон Ибрат номли тилларни ўқитишга ихтисослаштирилган мактабида бўлиб,илм маскани фаолияти билан яқиндан танишди.

Ўзаро мулоқотлар чоғида ёшларга еттита хорижий тил ўргатилаётган мактабга Япония элчихонаси томонидан 50 минг АҚШдоллари миқдорида моддий техник ёрдам кўрсатиш ҳамда бу ерда япон тилини ўргатиш маркази очиш режалаштириб олинди. Шунингдек,япониялик меҳмонлар тумандаги яна битта мактабга беғараз кўмак бериш ташаббуси билан чиқдилар.

Меҳмонлар тумандаги Ахсикент тарихий ёдгорлик мажмуасида ҳам бўлиб, кўҳна шаҳар тарихи ва ўтмишда Фарғона водийсининг цивилизация маркази сифатида эътироф қозонган масканда амалга оширилаётган саъй-ҳаракатлар билан яқиндан танишдилар.

Қудратилла НАЖМИДДИНОВ.
“Халқ сўзи”.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019