UzCard‘га рақобатчи бўлиши кутилаётган тўлов тизимига ном танлаш учун танлов эълон қилинди

11:10 24 Сентябр 2018 Жамият
1023 0

Ўзбекистон Республикаси Президентининг 2018 йил 20 сентябрдаги ПҚ-3945-сонли “Миллий тўлов тизимини ривожлантириш чора-тадбирлари тўғрисида”ги қарорига мувофиқ янги чакана тўлов тизимини яратиш мақсадида Марказий банкка Миллий банклараро процессинг марказини (МБПМ) ташкил қилиш вазифаси юклатилган.

Шу муносабат билан, Марказий банк ушбу миллий чакана тўлов тизими номини аниқлаш учун танлов эълон қилди. Ўз ҳиссасини қўшиш истагини билдирган фуқаролар, ғоя ва таклифларини Марказий банкка (қуйидаги манзил орқали) тақдим этишлари мумкин.

Танлов икки босқичда ўтказилади:

Биринчи босқичда мазкур тизимни номлаш бўйича таклифлар жорий йилнинг 1 октябрига қадар қабул қилинади ва шу билан бирга энг яхши ғоялар (шорт-лист) танланади.

Иккинчи босқичда, биринчи босқич натижаси бўйича аниқланган энг яхши ғоялар орасидан ғолибни овоз бериш йўли орқали фуқаролар томонидан аниқланади (овоз бериш тартиби шорт-лист шакллангандан сўнг эълон қилинади).

Тўлов тизимининг номи ўзида миллий уйғунликни акс эттирувчи бир ёки икки сўздан иборат бўлиши керак.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019