АҚШнинг Ўзбекистондаги элчиси миссиясини якунламоқда, элчиликка янги номзод маълум

10:31 02 Июль 2018 Сиёсат
1746 0
Памела Спратлен ва Даниэл Розенблюм / Фото: ТИВ

АҚШнинг Ўзбекистондаги элчиси Памела Спратлен Ўзбекистондаги дипломатик миссиясини якунламоқда. Бу ҳақда дипломат 29 июнь куни АҚШ мустақиллигининг 242 йиллигига бағишланган қабул маросимида маълум қилди. Мазкур кечада Ўзбекистон бош вазири Абдулла Арипов ҳам иштирок этди.

Памела Спратлен ўз нутқида: «Мен уч йил аввал келган мамлакатдан бугун анча фарқ қиладиган Ўзбекистонда туриб сизга мурожаат қилмоқдаман. Шу аснода бу он мен учун ҳам қувончли, ҳам маъюс ондир. Чунки кўпчилигингизга маълум бўлгани каби, ажойиб тарзда ўтган уч ярим йилдан кейин бу тадбир АҚШнинг Ўзбекистондаги элчиси сифатида мен иштирок этадиган эҳтимол охирги расмий тадбирларнинг биридир», — деди.

Газета.uz нашри берган хабарга кўра, Қўшма штатлари президенти Дональд Трамп АҚШнинг Тошкентдаги элчиси лавозимига 2014 йилдан буён АҚШ давлат котибининг Жанубий ва Марказий Осиё ишлари бўйича ёрдамчиси ўринбосари лавозимида ишлаб келаётган Даниэл Розенблюм номзодини илгари сурди. Номзод АҚШ Сенати томонидан тасдиқланиши лозим.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019