Уч нафар сузувчимиз Токио Паралимпиадасига йўлланма қўлга киритди

11:25 16 Сентябр 2019 Спорт
96 0

Буюк Британиянинг Лондон шаҳрида пара-сузиш бўйича жаҳон чемпионати ўз якунига етди. Келаси йили Токиода бўлиб ўтадиган Паралимпия ўйинларига йўлланма берадиган мазкур мусобақада Ўзбекистон терма жамоаси вакиллари ҳам муносиб иштирок этиб, саккизта медал ва 3 та Паралимпиада лицензиясини қўлга киритди. Бу ҳақда МОҚ матбуот хизмати хабар берди.

Вакилларимиздан Рио Паралимпиадасининг икки карра совриндори Шоҳснам Тошпўлатова 1 тадан олтин ва бронза медалларини терма жамоамиз ғазнасига келтирган бўлса, Ислом Асланов 3 та кумуш медалларига сазовор бўлди. Қуйида мазкур жаҳон чемпионатида совриндор бўлган вакилларимиз рўйхатини келтириб ўтамиз:

Олтин:

Шоҳсанам Тошпўлатова – 1 та.

Кумуш:

Ислом Асанов – 3 та

Фирдавс Мусабеков – 1 та.

Бронза:

Нигора Мирзоҳидова – 1 та

Музаффар Турсунхўжаев – 1 та

Шоҳсанам Тошпўлатова – 1 та.

Халқаро Паралимпия қўмитасининг низомига кўра, жаҳон чемпионатида олтин ва кумуш медални қўлга киритган спортчилар Токио-2020 Паралимпиадаси йўлланмасига эга бўлишарди. Шу тариқа ушбу жаҳон чемпионатида Шоҳсанам Тошпўлатова, Ислом Асанов ҳамда Фирдавс Мусабеков Токио-2020 Паралимпиадаси йўлланмасига эга бўлдилар. Қолган спортчиларимиз эса Паралимпиада йўлламасининг қимматли рейтинг очколарини жамғардилар.

Токио Паралимпиадасининг регламентига кўра, мусобақага йўлланма олган ҳар бир иштирокчи 4 та масофада баҳс олиб бориш имконияти эга. Бу эса ушбу вакилларимиз келаси йил 12 хил йўналишда стартга чиқишини англатади. Шу тариқа Токио-2020 Паралимпиадасига йўлланма олган спортчиларимиз сони 7 нафарга етди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019