“Туркия ўзбекистонлик журналистлар ва фоторассомлар нигоҳида”

16:43 12 Апрель 2019 Маданият
411 0

Бугун Тошкент Фотосуратлар уйида Туркия Республикасининг Ўзбекистондаги элчихонаси матбуот хизмати томонидан “Туркия ўзбекистонлик журналист ва фоторассомлар нигоҳида” мавзуида фотокўргазма очилди.

Фотокўргазмани ўтказишдан асосий мақсад — халқимизни турк маданияти, урф-одатлари, маросимлари ва меъморчилик анъаналари билан яқинроқ таништириш ва давлатлар ўртасидаги маданий алоқаларни кучайтиришдан иборат.

Туркия Республикасининг Ўзбекистон Республикасидаги элчихонаси ўтган икки йил мобайнида 30 га яқин ўзбек журналистларининг Туркияда ташкил қилинган турли тадбирларда иштирок этишларига кўмаклашди. Ижодкорлар Туркиянинг шаҳар ва қишлоқларида бўлиб, турк халқининг яшаш тарзи, табиати, меъморчилиги ҳақида бир-биридан қизиқарли фотосуратларни муҳрлашди. Кўргазма учун улар томонидан 500 га яқин сурат тақдим қилиниб, саралаш жараёнида журналист нигоҳи қаратилган объектнинг долзарблиги, мавзунинг аҳамияти ва асарнинг техник сифатига эътибор берилди.

Турсунали Қўзиев, Фарҳод Қурбонбоев, Ҳусниддин Ато, Абдували Сайбназаров, Анора Содиқова, Бахтиёр Насимов, Давронбек Тожиалиев, Элмурод Эрматов, Ҳожимурод Отақулов, Ҳотам Мамадалиев, Муҳаммад Исмоил, Муҳаммаджон Ғаниев, Шарофиддин Тўлаганов, Шавкат Ортиқов, Шерали Авезматов, Тўлқин Эшбек каби ўз касбининг моҳир усталари бўлган журналистларнинг асарлари ўзбекистонлик фотосурат ишқибозларини бефарқ қолдирмайди.

Шуни ишонч билан айтиш мумкинки, кўргазмага қўйилган фотосуратлар икки давлат ўртасида тобора мустаҳкамланиб бораётган маданий-маърифий алоқаларнинг амалий натижаси ҳисобланади.

“Туркия ўзбекистонлик журналист ва фоторассомлар нигоҳида” фотокўргазмаси шу йилнинг 14 апрелига қадар давом этади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019