Тошкентдаги энг гавжум кўчалардан бири 15 августгача ёпилади

17:47 30 Июль 2018 Жамият
701 0
Фото: Скриншот/ "Халқ сўзи"

Ўзбекистон Республикаси Вазирлар Маҳкамасининг 2018 йил 26 июлдаги “Тошкент шаҳрида қурилиш ва ободонлаштириш ишларини бориши тўғрисида”ги сайёр йиғилиши баёни билан хорижий ташаббускор (Россия Федерацияси) “KB Strelka” компанияси томонидан ишлаб чиқилган “Тошкент сени севади” комплекс дастури ва “Дизайн код” лойиҳаси асосида пойтахт йўлларида реконструкция ва ободонлаштириш ишлари бошланади. Бу ҳақда Тошкент шаҳар ҳокимлиги матбуот хизмати хабар берди.

Шу муносабат билан Юнусобод тумани Амир Темур шоҳ кўчасининг Осиё кўчаси билан кесишган қисмидан (Минор метро бекати) Тошкент кичик автомобиль ҳалқа йўл ўтказгич (Минор масжиди, “Малика“ савдо марказига кетадиган йўл) қисмигача бўлган қисмида реконструкция қилиш, ободонлаштириш ва кўкаламзорлаштириш ишларининг биринчи босқичини олиб борилиши муносабати билан, қолаверса фуқаролар хавфсизлигини таъминлаш мақсадида 2018 йил 15 август кунига қадар ушбу йўналиш бўйича ҳаракатланаётган барча турдаги транспорт воситалари ҳаракати вақтинча чекланади.

“Вақтинчалик ноқулайликлар учун ҳамшаҳарларимиздан узр сўраймиз!” - дейилади пойтахт ҳокимлиги сайтида.

 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019