Тошкентда тотализатор ўйнаб қарзга ботган шахс қотилликка қўл урди

19:45 28 Сентябр 2018 Жамият
995 0

Тотализатор ўйнаб бири қотилга айланди, иккинчиси аёлидан айрилди Жиноят ишлари бўйича Тошкент шаҳар судида очиқ суд мажлиси бўлиб ўтди. Ғ.Кулибоев ҳали ўттизга ҳам кирмаган. Доимий иш жойига эга эмас, тирикчилик учун турли жойларда ишлаб юрган йигит қийинчилик билан топган пулларини тотализаторда ўйнаб келган. 

У 2014 йилнинг охирларидан буён пойтахтимизнинг Чилонзор туманидаги “Махсустранс” корхонасига қарашли юк автомашиналарини ювиш шохобчасида норасмий равишда ишлаб юрган. Таниши Е.Радченко унинг мазкур ўйинда қатнашиши учун нақд пулларини олиб, уни электронлаштиришга кўмаклашиб келган. У ишдан бўш вақтларида интернет кафеларда “Web money” орқали спорт мусобақаларига пул тикиб тотализатор ўйнаган. Ўз топган пулларини беҳудага совуриб ҳам кўнгли хотиржам бўлмаган Кулибоев таниш-билишлардан ҳам қарз олиб ушбу ўйинда қатнашган. 

2018 йилнинг апрель-май ойларида иш фаолияти давомида топган 2 миллион 300 мингдан ортиқ пулини ва таниши Б.Тошпўлатовдан олган 200 АҚШ долларини ҳам электрон ҳисобига ўтказиб, ўйин ўйнаган ва ютқазган. 

Танишлари пулни сўрайвергач, йигит ўзи истаб-истамай қотилга айланди. 

2018 йил 7 июнь. Ғ.Кулибоев таниши Е.Радченкога қўнғироқ қилиб, электрон ҳисобига пул тушириш нияти борлигини айтиб, уни кўчага чиқишга кўндиради. 

У бу хонадонда ҳамиша нақд пуллар бўлишини, қаерда сақланишини яхши билган. Шериги уйдан чиққанини кўрган йигит ўз режасини амалга ошириш учун унинг хонадонига киради. Ошхона пичоғи билан хонадон бекаси Л.Радченконинг 18 жойига жароҳат етказади. Пулларни олиб уйдан чиқиб кетади. 

Ўғирланган пуллар эвазига қарзини тўлагач, яна ҳеч нарса билмагандек юраверади. Аммо тезкор суриштирув натижасида унинг сири фош бўлди. Ўз айбини тан олган фуқарога суд ҳукми ўқилди. 

Ўзбекистон Республикаси Жиноят кодексининг 97-моддаси 2-қисми “и” банди, 164-моддаси 3-қисми “в, г” бандларида назарда тутилган жиноятларни содир қилганликда айбли деб топилиб, унга Жиноят кодексининг 59-моддаси тартибида 18 йил озодликдан маҳрум этиш жазоси тайинланди. 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019