Тошкентда тўқимачилик ускуналари ва технологиялари ​кўргазмаси бўлиб ўтмоқда

18:32 05 Сентябр 2018 Жамият
163 0
Фото: Ҳасан Пайдоев / "Халқ сўзи"

Пойтахтимиздаги “Ўзэкспомарказ” мажмуасида “Тўқимачилик ускуналари ва технологиялари — CAITME — 2018” ҳамда “Текстиль ва мода саноати — UzTextileExpo — 2018” халқаро кўргазмалари ўз ишини бошлади. Кўргазмаларда Австрия, АҚШ, Бельгия, Буюк Британия, Беларусь Республикаси, Латвия, Тожикистон, Туркия, Хитой, Швейцария каби давлатлардан 480 га яқин компания ва фирмалар вакиллари қатнашмоқда.

Таъкидлаш жоизки, ушбу ҳафтани юртимизда тўқимачилик саноати учун муҳим воқеаларга бой давр, деб бемалол айтишимиз мумкин. Чунки халқаро кўргазмалар арафасида пойтахтимизда дунёнинг 18 мамлакатидан 250 нафар соҳа мутахассисаларини жамлаган тўқимачилик бўйича илк маротаба халқаро конференция ҳам бўлиб ўтди. Унинг иштирокчилари тўқимачилик кластерларини ривожлантириш, тармоқнинг дунё миқёсидаги бугунги ҳолати ва истиқболлари, маҳсулотларни сертификатлаштириш масалалари каби бир қатор йўналишларда бўйича фикр алмашдилар.

Халқаро тадбирлар Ўзбекистон Республикаси Ташқи савдо вазирлиги, “Ўзтўқимачиликсаноат” уюшмаси, Савдо-саноат палатаси, “Iteca Exhibitions” компанияси билан ҳамкорликда ўтказилмоқда.

Суратлар муаллифи: Ҳасан Пайдоев, "Халқ сўзи".


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар