Тошкент шаҳрининг деярли барча туманлари ҳокимлари ўз вазифасидан озод этилди

17:40 07 Июнь 2018 Сиёсат
1232 0

2018 йил 6 июнь куни Тошкент шаҳар ҳокими вазифасини бажарувчи Жаҳонгир Ортиқхўжаев пойтахтдаги 11  туман ҳокимининг 10 нафарини ўз лавозимидан озод қилиб, уларни туман ҳокими вазифасини бажарувчи қилиб тайинлаш тўғрисида қарор қабул қилди.

Бу ҳақда газета.uz шаҳар ҳокимиятидаги манбага таяниб хабар тарқатди. Ишдан бўшаш тўғрисидаги аризани фақат Шайхонтоҳур тумани ҳокими ёзмаган. У 2017 йил декабрь ойида туман ҳокими вазифасини бажарувчи этиб тайинланган эди.

Эслатиб ўтамиз, жорий йилнинг 1 июнь куни давлатимиз раҳбари Тошкент шаҳри туманларида бўлиб, жойларда олиб борилаётган ишлар билан танишиб, ҳудудларни ривожлантириш ва ободонлаштириш ишларида мавжуд камчиликлар бўйича ўз эътирозларини билдириб ўтган эди.

Бинобарин, кеча шаҳар ҳокимлигида бўлиб ўтган йиғилишда ҳокимликлар бюрократик идора эмас, халқ билан очиқ мулоқот ўтказадиган, аҳоли манфаати йўлида ҳаракат қиладиган муассаса бўлиши лозимлиги алоҳида таъкидланди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

“Ҳаёт” фильми энди телеэкранларда. У байрам кунлари МТРК телеканаллари орқали эфирга узатилади

Осмонга кўтарилаётган ҳарбий вертолётлар, қирувчи самолётлардан олинган тасвирлар, жанг майдонидаги қонли муҳораба, оҳ-воҳлар, бақир-чақирлар... Аскар снайперлик винтовкасининг дурбини орқали душманнинг пешонасини мўлжалламоқда. У айнан қаерга ўқ узмоқчи эканини зийрак бўлмаган томошабин ҳам дарров илғаши тайин: дурбиннинг мўлжал белгиси экранда кўз ўнгингизда туради.

12 Январь 2019