Эндиликда Тошкент давлат юридик университетига ўқишга кириш учун ҳужжатларни Давлат хизматлари марказлари орқали топшириш мумкин.Бу ҳақда Адлия вазирлиги ҳузуридаги Давлат хизматлари агентлиги маълум қилди.

Қайд қилинишича, ҳозирча бу тизим тажриба тариқасида жорий этилган бўлиб, Ўзбекистоннинг 14 та – Тошкент шаҳрининг Юнусобод тумани, шунингдек, Наманган, Нукус, Андижон, Термиз, Когон, Зарафшон, Шаҳрисабз, Қўқон шаҳарлари, Дўстлик, Пастдарғом, Сирдарё, Чирчиқ, Хонқа туманлари Давлат хизматлари марказларида амалга оширилади.