Тарихда илк бор Тошкентдаги бозор тадбиркорга мустақил бошқариш учун берилди

18:25 16 Август 2018 Иқтисодиёт
1475 0
Архив фото

Тошкент шаҳар Мирзо Улуғбек туманидаги “Наврўз деҳқон бозори” Ўзбекистон тарихида илк маротаба тадбиркорлик субъектига ишончли бошқарувга берилди.​ Бу ҳақда Адлия вазирлиги "Халқ сўзи"га маълум қилди.

Давлат раҳбарининг топшириқларига асосан, Тошкент шаҳрида маҳаллий бошқарувнинг алоҳида тартибини жорий этиш мақсадида Фармон лойиҳаси тажриба сифатида синовдан ўтказилмоқда. Ушбу тажриба доирасида Президент девони бошчилигида ҳамда Адлия вазирлиги ходимларининг ҳуқуқий ёрдамида пойтахтнинг Мирзо Улуғбек ва Олмазор туманида ташкилий ишлар олиб борилмоқда.

Маълумот учун: ишончли бошқарув, бу — давлат мулкидан ташкил топган ва амалда давлат идорасининг бошқарувида бўлган мол-мулкни тадбиркорлик субъектига ишончли бошқарувга топширишдир.

Бу, ўз навбатида, мазкур бозорни эндиликда тадбиркор томонидан мустақил равишда эркин иқтисодий қонуниятлари асосида ҳамда давлат органларининг таъсиридан мутлақо ҳоли ҳолда бошқариш, демакдир.

Таъкидлаш жоиз, бугунги кунда республикада давлат улуши бўлган 491 бозор ва савдо комплекслари мавжуд. Жорий йил биринчи ярим йиллик якунига кўра, уларнинг бюджет, жисмоний ва юридик шахслар олдидаги қарздорлиги 80 млрд. сўмдан ортиқ қийматни ташкил этади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019