Спортчиларимиз Олимпиада ўйинларига нечта лицензияни қўлга киритишди?

17:46 14 Май 2018 Спорт
716 0

Пойтахтимизда спорт курашлари бўйича ўсмирлар ўртасида Осиё чемпионати якунига етди.

Ушбу нуфузли мусобақада октябрь ойида бўлиб ўтадиган ўсмирлар Олимпия ўйинларига ҳам лицензиялар ўйналди. Тўрт кун давом этган беллашувлар якунига кўра тўрт нафар ўзбекистонлик спортчи юнон-рум курашида Асилбек Нематов (-60кг), аёллар курашида Шоҳида Аҳмедова (-49кг) ва Светлана Оқназарова (-73кг), эркин курашчиларимиз ичида эса Умиджон Жалолов (-48кг) Аргентина йўлланмасига эга бўлишди.

Шу тариқа III ёзги ўсмирлар Олимпия ўйинларига қўлга киритилган лицензиялар сони 19 тага етди — спорт курашлари – 4та, оғир атлетика – 3 та, байдарка ва каноэда эшкак эшиш – 3 та, академик эшкак эшиш – 2 та, спорт гимнастикаси – 2 та, спорт акробатикаси – 1 та, бадиий гимнастика – 1 та, от спорти (конкур) – 1 та, таэквондо ВТФ – 1 та ва бокс – 1 та.

Маълумот учун ушбу 19 та лицензия 21 нафар спортчи томонидан қўлга киритилган. Нега деганда, академик эшкак эшиш ва спорт акробатикасида 2 кишилик жуфтликка биттадан лицензия берилган. 
III ёзги ўсмирлар Олимпия ўйинлари 6 — 18 октябрь кунлари Аргентинанинг Буэнос-Айрес шаҳрида бўлиб ўтади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019