Сохта шифокор пенсионерни алдаб пулини олиб қўйди

14:43 03 Август 2018 Жамият
820 0
Иллюстратив фото

Москва шаҳрида шифокор кўринишидаги номаълум шахс 78 ёшли пенсионердан 700 минг рубль миқдоридаги пулни алдов йўли билан олиб қўйган. Бу ҳақда “Москва” ахборот агентлиги хабар берди.

Маълум бўлишича, сохта тиббиёт ходими бу кекса аёлга ёпиқ телефон рақамидан қўнғироқ бўлиб, унда гўёки саратон касаллиги ривожланаётгани, бу дардни даволаш учун эса 14 млн. АҚШ доллари керак эканлигини айтади. Бироқ пенсионер ҳисоб рақамида 700 минг рубль бор эди. Содда кампир банкдан ушбу маблағларни олиб, уни пулни олиш учун келган чопарга бериб юборади.

Орадан бир қанча вақт ўтиб пенсионер алданганини англайди ва полицияга мурожаат қилади. Ушбу воқеа юзасидан фирибгарлик жинояти бўйича иш қўзғатилган.

РФда пенсионерларни шундай йўллар билан алдаш биринчи марта учраётгани йўқ. Масалан, яқинда Кемеровода 89 ёшли кекса онахон ўзини поликлиника ходимлари деб таништирган фирибгарларга номаълум вирусдан даволаниш учун 300 минг рубль бериб юборган. Москвада эса хориждан келган ишсиз муҳожирлардан бири ўзини шифокор-терапевт деб таништириб, унга 450 минг рубль эвазига қадоқланган “дори-дармон”ларни сотиб кетган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019