Соғлиқни сақлаш вазирлиги тиббиёт ходимларининг бузилган ҳуқуқларини тиклади

16:09 27 Февраль 2019 Жамият
480 0

Соғлиқни сақлаш вазирлиги томонидан ходимларнинг меҳнат ҳуқуқлари қўпол равишда бузилган ҳолатлар аниқланиб, бартараф этилмоқда.

Масалан, Ўзбекистон Республикаси Меҳнат кодексининг 237-моддасига мувофиқ ҳомиладор аёллар билан тузилган меҳнат шартномасини иш берувчининг ташаббусига кўра бекор қилиш тақиқланган бўлсада, И.Иргашев номли Тошкент шаҳар 4-сон клиник шифохонаси бош шифокорининг 2019 йил 26 январдаги 25-сонли буйруғига асосан ушбу шифохонанинг болалар реанимация бўлими ўриндош шифокори С.О. билан тузилган меҳнат шартномаси иш берувчининг ташаббуси билан Меҳнат кодексининг 100-моддаси иккинчи қисми 5-бандига кўра бекор қилинган. Ходимнинг вазирликка мурожаатини ўрганиш жараёнида Тошкент вилояти Зангиота туман тиббиёт бирлашмаси 16-сон қишлоқ оилавий поликлиникасининг берган маълумотномаси билан С.О.нинг ҳомиладор эканлиги факти ўз тасдиғини топди. Бу ҳақда Соғлиқни сақлаш вазирлиги Жамоатчилик билан алоқалар бўлими хабар берди.

Шунга кўра, Соғлиқни сақлаш вазирининг тегишли буйруғига асосан И.Иргашев номли Тошкент шаҳар 4-сон клиник шифохонаси бош шифокорининг амалдаги қонун ҳужжатларига зид равишда чиқарилган буйруғи бекор қилиниб, врач С.О. аввалги ишига тикланди ҳамда мажбурий прогул вақти учун ҳақ тўлаб берилиши белгиланди.

Бундан ташқари, ходимнинг меҳнат ҳуқуқларини қўпол равишда бузган бош шифокорга нисбатан интизомий жазо чораси қўллаш масаласини қонунда белгиланган тартибда ҳал этиш Тошкент шаҳар соғлиқни сақлаш бошқармаси бошлиғи зиммасига юклатилди.

Шунингдек, яна бир ҳолат. Шаҳрисабз туман тиббиёт бирлашмаси бошлиғининг 2019 йил 24 январдаги 7т-сонли буйруғига асосан туғруқхона бўлими мудири Баҳром Кучаров иш берувчининг ташаббуси билан вақтинча шошилинч тез ёрдам бўлимига шифокор вазифасига ўтказилган. Бунда иш берувчи томонидан ходимдан розилик олинмаган. Ваҳоланки, Меҳнат кодексининг 93-моддасига кўра, вақтинча бошқа ишга ўтказишга ходим билан иш берувчи ўртасидаги келишув бўлган тақдирдагина йўқ қўйилади. Мазкур ҳолатда хам Соғлиқни сақлаш вазирининг тегишли буйруғи билан Баҳром Кучаров аввалги ишига тикланиши таьминланиб, ходимнинг ҳуқуқлари тўлиқ тикланди.

Шаҳрисабз туман тиббиёт бирлашмаси бошлиғига нисбатан эса вазир буйруғи билан Меҳнат кодексига мувофиқ ўртача ойлик иш ҳақининг ўттиз фоизи миқдорида жарима интизомий жазо чораси қўлланилди. Соғлиқни сақлаш вазирлиги томонидан нафақат аҳолига сифатли тиббий ёрдам кўрсатиш, балки ўз ходимларининг ҳуқуқларини ҳар қандай бузилишлардан ҳимоя қилиш, уларни турли тажовузлардан асраш учун бундан кейин ҳам барча қонун йўл қўядиган усуллардан фойдаланилади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

02 Декабрь 2019