Сирдарёдаги байрам тадбирларида танлов ғолибларига бериладиган автомобиллар топширилмади... Фақат кўрсатилди. Нега?

14:05 30 Сентябр 2019 Жамият
283 0

“Халқ сўзи Online”. Аҳмадали Шерназаров/Сирдарё. Гулистонда Ўқитувчилар ва мураббийлар кунига бағишланган тадбирлар анъанага айланган “Юрт байроғи” майдонида Ўзбекистон Республикасининг Давлат байроғига эҳтиром кўрсатишдан бошланди.Сўнгра“Билимдонлар маскани”да улуғ шоиримиз Алишер Навоий ҳайкали пойига гуллар қўйилди.

Вилоят мусиқали драма театрининг муҳташам биносидаги байрам тадбирида Сирдарё вилояти ҳокими Ғ.Мирзаев Президентимизнинг Ўзбекистон ўқитувчилари ва мураббийларига йўллаган байрам табригини ўқиб эшиттирди.

Президентимиз Фармонига кўра, тақдирланган бир гуруҳ сирдарёлик ўқитувчи ва мураббийларга давлат мукофотлари тантанали равишда топширилди.

Шунингдек, вилоят ҳокими қатнашчиларни жорий ўқув йилидан бошлаб вилоят бўйича ташкил этилган “Энг яхши мактаб”, “Энг яхши мактаб директори”, “Энг яхши фан ўқитувчиси” танловларининг шартлари билан таништирди. Хусусан, унга кўра ғолибликка даъвогар мактаб директори чет тилини ҳам билмоғи лозим бўлади.

Айни танловда бериладиган совғалар-турли русумдаги автомашиналар эса театр майдонида барчага кўрсатилди. Яъни совринлар нақдлиги маълум қилинди.

Яна бир жиҳат, бу йилги байрам дастурхони ва тантанали концерт сўнгги йилларда гуллаб –яшнаган- Гулистон истироҳат боғида, рангли ва мусиқали улкан фаввора теграсида – очиқ осмон остида ташкил этилди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?