“Сирдарё наволари” – халқаро фестивал ғолиби

18:04 28 Май 2019 Жамият
780 0

Ўзбекистон давлат филармонияси қошидаги “Сирдарё наволари” рақс ансамбли шу йилнинг 23-25 май кунлари Жанубий Кореяда ўтказилган халқаро санъат фестивалида биринчи ўрин соҳиби бўлди.

“Ҳар икки йилда бўладиган мазкур фольклор фестивали иштирокчилари “Сават” ва “Гилам” деб номланган рақсларимизни давомли олқишлар билан эътироф этдилар.Айтиш лозимки, айни чоғда балетмейстеримиз, Ўзбекистон халқ таълими аълочиси Барнохон Холиқова томонидан саҳналаштирилган “Сават” рақси бадиий жамоамизнинг ташриф қоғозига айланган” дейди ансамбль аъзоси Иззатой Ўролова.

Маълумот учун, “Сирдарё наволари” 2001 йилда ташкил этилган. Унга кўплаб қўшиқлари, айниқса, “Сўнгги қўнғироқ” ашуласи билан ном қозонган Ўзбекистон Республикасида хизмат кўрсатган артист Асатилло Холиқов бадиий раҳбарлик қилиб келмоқда. Гуруҳ ўзбек рақс санъати довруғини жаҳонга ёйишга ўзининг самарали ҳиссасини қўшаётир. Бинобарин, ансамбль ўтган йиллар давомида дунёнинг кўплаб мамлакатларида ижодий сафарда бўлди.

Мадина МАМИРОВА, Зулфия номидаги Давлат мукофоти совриндори.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?