Шавкат Мирзиёев БАА Бош вазири ўринбосари билан телефон орқали мулоқот қилди

14:33 24 Июль 2019 Сиёсат
167 0

Шавкат Мирзиёев БАА Бош вазири ўринбосари билан телефон орқали мулоқот қилди

Ўзбекистон Республикаси Президенти Шавкат Мирзиёев 24 июль куни Бирлашган Араб Амирликлари Бош вазирининг ўринбосари, Президент ишлари бўйича вазир Шайх Мансур бин Зоид Ол Наҳаён билан телефон орқали мулоқот қилди. 

БАА Бош вазири ўринбосари биродар Амирликлар халқи ва мамлакат раҳбарияти номидан Ўзбекистон Президентини туғилган куни билан самимий қутлади. 

Жумладан, БАА Президенти Шайх Халифа бин Зоид Ол Наҳаён, Абу-Даби Амирлиги валиаҳди, БАА Қуролли кучлари Олий бош қўмондони ўринбосари Шайх Муҳаммад бин Зоид Ол Наҳаён ва БАА Вице-президенти, Бош вазири, Дубай Амирлиги ҳокими Шайх Муҳаммад бин Рошид Ол Мактумнинг дилдан табриклари ва эзгу тилаклари етказилди.

Суҳбатда жорий йил март ойида БААга амалга оширилган олий даражадаги ташриф якунлари юксак баҳоланиб, ушбу ташриф икки томонлама муносабатларга кучли суръат бағишлагани, уларни сифат жиҳатидан янги мазмун билан бойитгани таъкидланди.

Телефон орқали мулоқот чоғида молия ва инновациялар соҳаларида, энергетика, нефть-газ ва кимё саноатида, транспорт, туризм ва ишбилармонлик инфратузилмасини модернизация қилиш, соғлиқни сақлаш ва бошқа йўналишларда инвестиция лойиҳаларини амалга ошириш масалаларига алоҳида эътибор қаратилди. 

Давлатимиз раҳбари БАА етакчи компания ва ташкилотларининг илғор тажрибаси ва билимларидан фойдаланган ҳолда ўзаро манфаатли ҳамкорликка доир қўшма дастур ва лойиҳаларни фаол илгари суриш муҳим эканини таъкидлади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019