Шавкат Мирзиёев: «Андижон вилояти ҳокимидан розиман. У — Андижон халқининг бахти»

14:09 21 Май 2018 Сиёсат
861 0
Фото: president.uz

Ўзбекистон Президенти Шавкат Мирзиёевнинг Андижон вилоятига ташрифи доирасида Улуғнор туманида фаоллар йиғилиши бўлиб ўтди. Йиғилиш давомида Президент вилоят ҳокими Шуҳрат Абдураҳмонов ҳақида илиқ фикрларни билдириб ўтди.

«Бугун Андижон вилояти ҳокими билан кўп гаплашдим. Шуни билингки, мен масала қўйган одамни жуда ҳурмат қиламан. Масала қўйишни билган одам 50 фоиз муваффақиятга эришади дегани.

Фурсатдан фойдаланиб айтиб ўтмоқчиман — мен ҳокимдан розиман. Шуҳрат Қўшоқбоевич ўз олдига қўйилган вазифаларни қўлидан келганича бажаришда Ўзбекистон ҳокимлари орасида олдинги қаторлардан бирида туради десам, адашмаган бўламан. Бу ҳам Андижон халқининг бахти.

Мен вилоятдаги ишларни кўриб, ҳокимнинг куйинганини кўриб айтяпман. Бугун кун давомида у олдимга 50та масала қўйди, ҳар бирининг остида камида 5 миллиардлик сармоя ётибди. Шуҳрат Қўшоқбоевич мана шундай фаол сафдошимиз, мен энг ишонган ҳокимлардан бири. Мен буни юрагимдан айтяпман», дея гапириб ўтди давлатимиз раҳбари.

 


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар