Шаҳрам Ғиёсовнинг саккизинчи жанги муддати маълум бўлди

17:13 27 Февраль 2019 Спорт
619 0

Профессионал бокснинг супер енгил (-63,5 кг) вазн тоифасида рингга чиқаётган ўзбекистонлик Шаҳрам Ғиёсов (7-0, 6 КО)апрель ойида ўзининг саккизинчи жангини ўтказади. Бу ҳақда GoSport.uz хабар бермоқда.

Маълумотларга кўра, Шаҳрам 26 апрель куни навбатдаги жанги учун рингга кўтарилади. Ҳозирча унга ким рақиблик қилиши маълум эмас. Жанг Калифорния штатининг Инглвуд шаҳрида жойлашган машҳур казино маркази Форум саройида бўлиб ўтади.

Эътиборли томони, мазкур бокс оқшомининг марказий жангида иккинчи ярим енгил (-55,34 кг) вазн тоифасининг WBA чемпионлик камари соҳиби америкалик Даниэл Роман (26-2-1, 10 КО) ва IBF камари эгаси австралиялик Теренс Доэни (21-0, 15 КО) камарларни бирлаштирувчи жангда иштирок этади. Жанг ғолиби бошқа бир ўзбекистонлик боксчи Муроджон Аҳмадалиевга (5-0, 4 КО) қарши рингга чиқади.

Инглвудда бўлиб ўтадиган мазкур бокс оқшоми Matchroom Boxing промоутерлик компанияси раҳбари Эдди Ҳирн ва Thompson Boxing Promotions компанияси раҳбари Кен Томпсон томонидан ташкил қилинмоқда.

Эслатиб ўтамиз, сўнгги марта Шаҳрам Ғиёсов 23 февраль (Тошкент вақти билан 24 февраль) куни Мексикада маҳаллий боксчи Эдгар Пуэртани (25-12-1, 19 КО) бешинчи раундда техник нокаут эвазига мағлубиятга учратганди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

02 Декабрь 2019