Шаҳрам Ғиёсов яна Олимпиада ўйинларида Ўзбекистон шарафини ҳимоя қилиши мумкин

20:57 01 Май 2018 Спорт
502 0

Шаҳрам Олимпиаданинг лицензион мусобақасида йўлланма қўлга кирита олса Токиода Ўзбекистон шарафини ҳимоя қила олади.

2016 йил Бразилиянинг “Рио-де-Жанейро”да бўлиб ўтган ёзги Олимпиада ўйинларининг бокс мусобақасида кумуш медални қўлга киритган Шаҳрам Ғиёсов 2020 йил Токио шаҳрида бўладиган навбатдаги ёзги Олимпия ўйинларида иштирок этиши мумкин.
У бу ҳақда Миллий Олимпиада қўмитаси расмий сайтига берган интервьюсида айтиб ўтди. 

“Мен Ўзбекистондан кетишимдан олдин, Миллий Олимпия қўмитаси ва бокс федерациясида Олимпиада ўйинларида мендан яна медаль кутишларини айтишди. Шу сабабли, профессионал шартномамга Олимпиада ўйинларида иштирок этиш бандини киритдим. Осиё ва Жаҳон чемпионатида қатнаша олмайман. Аммо Олимпиаданинг лицензион мусобақасида рингга чиқиб, йўлланма қўлга кирита оладиган бўлсам, Токиога бориш имконияти менда бор”, — деди, Жаҳон ва Осиё чемпиони Шаҳрам Ғиёсов.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар