Сенат ялпи мажлисида “Давлат-хусусий шериклик тўғрисида”ги қонун кўриб чиқилади

11:43 01 Май 2019 Жамият
536 0

Фото: Ҳасан Пайдоев / «Халқ сўзи»

Давлат-хусусий шерикликнинг халқаро амалиёти атрофлича таҳлил қилинганда, ривожланган давлатларда мазкур ҳамкорлик асосан ижтимоий вазифаларни ҳал этишга қаратилгани маълум бўлди. Масалан, Европа давлатларида жами давлат-хусусий шериклик шартномаларининг 34 фоизи таълим, 21 фоизи соғлиқни сақлаш йўналишига тўғри келади. Шунингдек, йирик иқтисодий лойиҳаларни амалга оширишда ҳам давлат-хусусий шериклик механизмидан кенг фойдаланилади.

Кун тартибига киритилган “Давлат-хусусий шериклик тўғрисида”ги қонунда давлат-хусусий шерикликни ривожлантиришнинг ҳуқуқий асослари белгиланмоқда. Айниқса, фан, техника, инновациялар, тиббиёт, таълим, маданият ва ижтимоий хизматлар, кимё саноати, энергиянинг қайта тикланувчи манбалари каби соҳаларда шерикликда фаолият юритиш истиқболлари асосланмоқда.

Қонуннинг қабул қилиниши билан мамлакатимизда бу хилдаги муносабатларнинг халқаро амалиётга мувофиқ асослари яратилади. Соҳага оид лойиҳаларни тайёрлаш ва амалга ошириш бўйича ягона қоида ҳамда умумий тартибларни таъминлашга имкон беради. Энг муҳими, бу билан чет эл инвестицияларни юртимизга фаол жалб қилиш доираси янада кенгаяди. Янгидан янги тармоқларнинг иш бошлаши учун амалий асослар ишга солинади.

Бундан ташқари, қонун қўшимча иш ўрин яратилишига, давлат-хусусий шериклик жараёнларига жалб қилинадиган соҳаларда мутахассисларнинг профессионаллик даражасини янада ошишига сабаб бўлади.

Гулистон АННАҚЛИЧЕВА, Олий Мажлис Сенати аъзоси.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?