Саудия Арабистонида ҳам коронавирус сабаб жамоат намозлари ўқилиши вақтинча тўхтатилди

14:49 18 Март 2020 Дунё
407 0

“Ар-Риёдда уламолар кенгаши коронавирус оқибатларига бағишланган шошилинч йиғилишда вируснинг тез тарқалиши ва у кўплаб ўлим ҳолатларига олиб келиши хавфи мавжудлигини тасдиқловчи тиббий тадқиқотлар ҳамда одамларнинг тўпланиши вирус тарқалишига асосий сабаб эканлигини ҳисобга олиб, жума ва бошқа жамоат намозларининг масжидларда ўқилиши тўхтатилишини қонуний деб топди, масжидлар эшиклари вақтинча ёпилади, бу вазиятда азон ўқилиши етарли ҳисобланади”, дейилган уламолар қарорида.

Аввалроқ бошқа араб давлатлари, жумладан БАА, Кувайт ва Уммонда ҳам жамоат намозлари ўқилишига тақиқлов киритилганди.

Шунингдек, Саудия Арабистонида 15 кунга барча хусусий корхоналар фаолияти тўхтатилади. Таъкидланишича, ушбу қарор фаолияти соғлиқни сақлаш ва озиқ-овқат таъминоти билан боғлиқ бўлган корхоналардан ташқари барча корхоналар учун тааллуқли ҳисобланади.

Айни вақтда подшоҳликда коронавирусга чалинганлар сони 171 нафарга етди. Ўлим ҳолатлари қайд этилмаган

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?