Россия ва КХДР президентлари Узоқ Шарқда учрашди ва музокаралар олиб борди

15:00 25 Апрель 2019 Дунё
837 0

Россия президенти Владимир Путин Узоқ Шарқ федерал университети кампусида КХДР етакчиси Ким Чен Инни кутиб олди. Россия раҳбари S корпуси ён қисмига чиққан, бу ерда фахрий қоровул саф тортди. Шундан сўнг томонлар ёпиқ эшиклар ортида музокаралар олиб боришди.

Россия президенти Владимир Путин КХДР Давлат кенгаши раиси Ким Чен Ин билан юзма-юз мулоқотни батафсил деб атади ва тилга олинган мавзуларни санаб ўтди. Бу ҳақда РИА Новости хабар бермоқда.

“Биз давлатлараро муносабатларимиз тарихи ҳақида ҳам гаплашиб олдик. Бугунги кун, икки томонлама муносабатларни ривожлантириш истиқболлари ҳақида сўз юритилди”, - деди Путин.

Шунингдек, давлат раҳбарлари Корея ярим оролидаги вазиятни муҳокама қилишди.

“Вазият яхшиланиши учун ижобий истиқболларга эга бўлиш мақсадида нимани ва қандай қилиш кераклиги ҳақида фикр алмашдик”, - дея қўшимча қилди у.

Учрашув Узоқ Шарқ федерал университетининг Русский оролидаги кампусида бўлиб ўтди.

Икки соат давом этган юзма-юз мулоқотдан кейин музокаралар икки мамлакат делегациялари иштирокида кенгайтирилган шаклда давом эттирилди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019