Равшан Эрматов Жаҳон чемпионатида бошқа ҳакамлик қилмайди

09:23 05 Июль 2018 Спорт
709 0
Фото: zimbio.com

ФИФА футбол бўйича Россияда бўлиб ўтаётган Жаҳон Чемпионатининг қолган учрашувларини бошқарадиган ҳакамлар рўйхатини эълон қилди. Бу ҳақда ТАСС ахборот агентилиги хабар берди.

Манба хабарида қайд қилинишича, сўнгги 8 ўйинни бошқаришга даъвогар ҳакамлар рўйхатидан ўзбекистонлик ҳакам Равшан Эрматов ўрин олмаган.

Рўйхатдан 17 та ҳакам жой олди: Алиризо Фағоний (Эран), Навоф Абдулла Шукралла (Баҳрайн), Маланг Дедиу (Сенегал), Женни Сиказве (Замбия), Марк Гейгер (АҚШ), Жейр Марруфо (АҚШ), Сесар Артуро Рамос (Мексика), Андрес Куня (Уругвай), Нестор Питана (Аргентина), Сандро Риччи (Бразилия), Мэттью Конджер (Янги Зеландия), Жунайт Чақир (Туркия), Бёрн Куйперс (Нидерландия), Антонио Матеу Лаос (Испания), Милорад Мажич (Сербия), Жанлука Рокки (Италия), Дамир Скомина (Словения).

Маълумот учун Равшан Эрматов Россиядаги мундиалда иккита ўйинни бошқарди. У Аргентина – Хорватия (0:3) ва Испания – Марокаш (2:2) ўйинларида бош ҳакам сифатида ишлади. Шунингдек, ўзбекистонлик ҳакам Жаҳон Чемпионатларидаги бошқарган ўйинлари сони 11 тага етказди ва бу борада мутлақ рекордчига айланди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар