Рашид Маликов фильми нуфузли танловда бош совринни қўлга киритди

11:30 10 Сентябр 2018 Маданият
785 0

“Ўзбеккино” миллий агентлиги буюртмасига асосан режиссёр Рашид Маликов томонидан суратга олинган “Сабот” бадиий фильми Россияда ўтган “Волоколамск чегараси” (“Волоколамский рубеж”) XV халқаро ҳарбий-ватанпарварлик фильмлари кинофестивалида бош совринга муносиб топилди.

Бу ҳақда “Ўзбеккино“ миллий агентлиги хабар бермоқда. Мазкур картина бир қатор хорижий фестивалларга тақдим этилган бўлиб, шу йилнинг апрель ойида 40-Москва халқаро кинофестивалида ҳам муваффақият қозонган эди.

2017 йилнинг декабрь ойида Тошкентда ушбу фильмнинг премьераси бўлиб ўтганидан кино мухлислари яхши хабардор. Фильмда собиқ байналмилал жангчининг хотиралари, ўй-хаёллари, кечинмалари ҳақида ҳикоя қилинади. Инсоннинг қатъияти, метин иродаси ҳақида ҳикоя қилувчи ушбу картина халқаро кинофестиваль ҳакамлари ҳайъати, томошабинларни бефарқ қолдирмади.

Картинанинг сценарий муаллифи ва постановкачи режиссёри Рашид Маликов. Саҳналаштирувчи оператор Баҳодир Йўлдошев. Саҳналаштирувчи рассом Дониёр Абдураҳмонов. Фильмда бош ролларни Карим Мирҳодиев, Нигора Каримбоева, Сайдулла Мўлдахонов, Бекзод Ҳамроев, Зулхумор Мўминова каби таниқли актёрлар ижро этган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

“Ҳаёт” фильми энди телеэкранларда. У байрам кунлари МТРК телеканаллари орқали эфирга узатилади

Осмонга кўтарилаётган ҳарбий вертолётлар, қирувчи самолётлардан олинган тасвирлар, жанг майдонидаги қонли муҳораба, оҳ-воҳлар, бақир-чақирлар... Аскар снайперлик винтовкасининг дурбини орқали душманнинг пешонасини мўлжалламоқда. У айнан қаерга ўқ узмоқчи эканини зийрак бўлмаган томошабин ҳам дарров илғаши тайин: дурбиннинг мўлжал белгиси экранда кўз ўнгингизда туради.

12 Январь 2019