Қўқонда 96 градусли спирт маҳсулоти ноқонуний савдоси аниқланди

12:01 14 Июнь 2019 Жамият
341 0

Фарғона вилояти давлат солиқ бошқармаси томонидан Қўқон шаҳрида ҳам давом эттирилди. Келиб тушган мурожаат асосида ҳамкор ташкилотлар билан биргаликда Кўрпабоф кўчасида яшовчи 28 ёшли Ҳ.А. хонадони кўздан кечирилганда, у ерда спирт маҳсулоти ноқонуний савдоси йўлга қўйилганлиги аниқланди. Бу ҳақда Фарғона вилояти давлат солиқ бошқармаси матбуот хизмати хабар берди.

2010 йиллар бошида тадбиркор сифатида спиртли ичимликлар савдоси билан шуғулланган Ҳ.А. яшаб турган уйининг айвон қисмида кичик бир омборхона ташкил қилган бўлиб, у ерда 763 литр 96 градусли спирт маҳсулотини сотиш мақсадида қонунга зид равишда сақлаётганлиги маълум бўлди. “Уддабурон”нинг айтишича, 96 градусли спирт маҳсулотининг 1 литри 14 минг сўмда харид қилинган ҳамда 16,5 минг сўмдан сотиш режалаштирилган.

Мазкур ҳолат юзасидан давлат солиқ хизмати органи ходимлари томонидан фуқаро билан профилактик суҳбат олиб борилди ҳамда қонуний ишлаётган тадбиркорга берилаётган имкониятлар батафсил тушунтирилди.

Шу билан бирга, қоидабузарлик юзасидан белгиланган тартибда далолатнома расмийлаштирилди ва умумий қиймати 12 миллион сўмдан ортиқ бўлган товар-моддий бойликлар далилий ашё сифатида олинди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019