Қишлоқ хўжалиги соҳасидаги йирик талон-торожликлар фош этилди

11:36 12 Сентябр 2018 Жамият
269 0
Иллюстратив фото

Ўзбекистон Республикаси Бош прокуратураси ҳузуридаги Департаментнинг Бекобод туман бўлими қишлоқ хўжалиги соҳасидаги йирик талон-торожликлар фош этди.

Департаментнинг Бекобод туман бўлими томонидан ўтказилган терговга кадар текширув давомида, 2017 йилнинг ноябр-декабрь ойларида тумандаги Қишлоқ ва сув хўжалиги, Статистика, Ер ресурслари ва давлат кадастри бўлимлари раҳбарларидан иборат комиссия аъзолари 25 нафар фермер хўжалигига ноқонуний равишда жами 237,7 млн. сўмлик молиявий қўллаб-қуватлаш маблағларини бюджетдан ажратиб, ушбу маблағларни фермер хўжаликлари ҳисоб-рақамларига ўтказиб, бюджет маблағларини талон-торож қилганликлари аниқланган. 

Бош прокуратура матбуот хизмати хабарига қараганда, мазкур ҳолат юзасидан юқоридаги ташкилотлар мансабдор шахсларига нисбатан Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар