16 июль куни Қашқадарё вилоятининг Чироқчи туманида мудҳиш ЙТҲ содир бўлди. Бу ҳақда ИИВ Жамоатчилик ва ОАВ билан алоқалар бошқармаси хабар тарқатди.

Қайд қилинишича, туманда яшовчи Қ.Ж. ўзининг “Нексия” русумли автомашинасини туман ҳудудидан ўтувчи “Чироқчи-Қалқама” автомобиль йўлининг 18-км.да ҳайдаб кетаётиб, бошқарувни эплай олмаслиги сабаб йўл четига чиқиб ағдарилиб кетган.

Натижада автомашина йўловчилари С.О. ва Х.Б. исмли аёл жароҳат олиб касалхонага ётқизилганлар, аммо кўрсатилган тиббий муолажаларга қарамай вафот этишган.

Ҳайдовчи Қ.Ж.нинг ҳолати борасида аниқ маълумотлар берилмаган.