Қаршидаги Республика ихтисослаштирилган кардиология марказида илк жарроҳлик амалиёти ўтказилди

21:57 14 Декабрь 2018 Жамият
359 0

“Халқ сўзи Online”. Аҳад Муҳаммадиев/Қашқадарё. Президентимиз 2017 йил 24-25 февраль кунлари Қашқадарё вилоятига ташрифи чоғида Қарши шаҳрида Республика ихтисослаштирилган кардиология ҳамда Республика ихтисослаштирилган эндокринология илмий-амалий тиббиёт марказларининг филиалларини ташкил этиш бўйича кўрсатмалар берган эди. Ўтган қисқа вақтда ёнма-ён жойлашган икки йирик марказ қуриб битказилди.

Давлатимиз раҳбари 13 декабрь куни бу ерга ташриф буюриб, беморлар учун яратилган шароитлар, замонавий техника ва ускуналарни кўздан кечирган эди.

Бугун Республика ихтисослаштирилган кардиология марказида юрак ишемик касаллиги бўйича биринчи жарроҳлик амалиёти муваффақиятли ўтказилди.

Клиниканинг тажрибали шифокорларидан иборат жарроҳлари томонидан амалга оширилган бундай мураккаб операцияни шу пайтга қадар фақат пойтахтимизда ва хорижий мамлакатлардаги клиникаларда ўтказиш мумкин эди.

Президентимиз ташаббуси билан ташкил этилган ушбу янги клиника жаҳон андозалари даражасида яратилган шароитлар, энг сўнгги замонавий тиббий жиҳозлар ва малакали кадрлар билан таъминланганлиги боис бу ерда энг мураккаб операцияларни ҳам ўтказиш имконияти яратилди.

“Очиқ юрак операцияси Ғузор туманидан келган 15 ёшли беморда муваффақиятли ўтказилди. Маълум бўлишича кўп йиллардан буён беморда бунга имкон бўлмаган. Жарроҳлик амалиётини ҳамкасбларимиз – тажрибали жарроҳлар Рустам Ярбеков, Олег Пўлатов, анестезиологлар Санжар Омонов, Сардор Раҳимов биргаликда ўтказдик. Бу операция юракнинг қоринчалараро деффект пластикаси ёки юрак пароги деб юритилади. Ҳозир беморнинг энг муҳим ҳаётий органлари махсус тиббий апаратураларда назорат қилиб турилибди”, - дейди шифокор Адҳам Жалилов.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019