Президент қарори билан яна бир халқаро университет ташкил этилди

10:14 29 Июнь 2018 Ҳужжатлар
516 0
Pixabay

Ўзбекистон Президентининг “Ипак йўли” туризм халқаро университетини ташкил этиш тўғрисида”ги қарори қабул қилинди.

Қарорга мувофиқ Самарқанд шаҳрида “Ипак йўли” туризм халқаро университети ташкил этилди.

Университет туризм соҳасида юқори малакали профессионал кадрларнитайёрлаш билан шуғулланади.

2018/2019 ўқув йилида Университет бакалавриатига қабул қилиш квотаси 125 киши, жумладан, давлат грантларига кўра 42 киши этиб белгиланди.

Ҳужжатга кўра, университетга талабаларни бакалавриат таълим йўналишлари ва магистратура мутахассисликлари бўйича қабул қилиш квоталари сони туризм соҳасида меҳнат ресурсларига бўлган талаб прогнозидан ва Шанхай ҳамкорлик ташкилотига аъзо давлатларнинг мақсадли буюртмаларидан келиб чиққан ҳолда, Университетнинг Васийлик кенгаши томонидан белгиланади;

илғор, эътироф этилган халқаро имтиҳон тизимлари (TOEFL, IELTS, CEFR, SAT General, SAT Subject ва бошқалар) сертификатларига эга бўлган абитуриентларга тегишли фанлардан белгиланган тартибда энг юқори балл берилади ва келгусида улар ушбу фанлар бўйича тест синовларидан озод қилинади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар