Шерободда янги қурилаётган цемент заводида илк намунавий маҳсулот ишлаб чиқарилди

11:45 27 Июль 2018 Иқтисодиёт
328 0
Фото: "Халқ сўзи"

Шеробод туманида “Олмалиқ кон-металлургия комбинати” акциядорлик жамияти томонидан бунёд этилаётган янгицемент заводида дастлабки намунавий маҳсулот ишлаб чиқарилди.

Бу ҳақда вилоятдаги мухбиримиз Илҳом Раҳматов хабар бермоқда. Президентимиз Шавкат Мирзиёевнинг бевосита ташаббуси билан барпо этилаётган мазкур корхона йилига 1,5 миллион тонна юқори сифатли портланд цемент ишлаб чиқариш қувватига эга. Лойиҳани амалга ошириш учун 212,8 миллион доллар маблағ йўналтирилиб, энг замонавий ускуналар ўрнатилмоқда. Корхона тўла қувват билан ишга тушгач, 1000 дан ортиқ киши доимий иш билан таъминланади.

Фото: "Халқ сўзи"

Сурхондарё вилояти ҳокими вазифасини бажарувчи Б. Пўлатов бош пудратчи Туркиянинг “Dal Teknik” компанияси вакиллари А. Абатай ва Э. Дурак билан учрашувда лойиҳада белгиланган қурилиш-монтаж ишларини тез ва сифатли якунлаш ҳамда йирик саноат корхонасини Ватанимиз мустақиллигининг 27 йиллиги байрами арафасида ишга тушириш бўйича келишиб олинди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар