Мисрда энг қадимий пиво заводи қолдиқлари топилди

14:14 06 Июль 2018 Дунё
714 0
Фото: KP.UA

Археологлар Ниль дарёси дельтасида қадимги пиво заводи қолдиқларини аниқлашди.

Мутахассисларнинг айтишича, мазкур топилма бу борада дунёдаги энг қадимийси бўлиши мумкин. Мазкур объектнинг тарихи беш минг йиллик бориб тақалиши тахмин қилинмоқда.

Luxor Times’нинг ёзишича, тадқиқотлар пайтида нафақат соҳага тегишли буюмлар, балки милоддан аввалги 3200-3000 йилларда, Қадимги Миср давригача яшаган одамлар ва итларнинг мўмиёланган жасадлари ҳам топилди. Хусусан, улар орасида энг қадимги ҳайвон зотларидан бири ва бугунги кунда жуда ноёб бўлган араб тозилари ҳам бор эди.

Фото: KP.UA

Олимлар пивони энг қадимги ичимликлардан бири, деб ҳисоблашади. Уни тўрт минг йиллар илгари нафақат Қадимги Миср, балки Хитойда ҳам тайёрлашни билишган.

Археологларнинг айтишича, пиво заводи қолдиқлари учраган ҳудуд Қадимги Мисрда алоҳида роль ўйнаган. Сабаби Нилнинг бошқа жойларидан бу каби иншоот топилмаган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019