Озиш учун нима ичиш керак? Энг яхши бешта ичимлик

10:54 26 Февраль 2019 Lifestyle
773 0

Иллюстратив фото

Мутахассислар вазнни жисмоний юкламаларсиз камайтиришга ёрдам берувчи, танадаги ёғларни эритувчи ичимликлар рейтингини тузишди. Рўйхат Daily Star нашри томонидан эълон қилинди.

Рейтингнинг энг юқори поғонасидан кўк чой жой олган. У метаболизм – организмда моддалар алмашинувини тезлаштиришга ва бунинг натижасида ёғларни эритишга имкон берувчи флавонидлар ва кофеинга бой. Мутахассисларнинг айтишича, озиш учун кўк чойдан ҳар куни 2-3 чашка ичиш лозим.

2-ўринда томат шарбати жой олган. Ушбу ичимликдан кунига бир стакандан истеъмол қилиш уни истеъмол қилмаганларга нисбатан бел қисмида 50 фоиздан кўпроқ ёғдан фориғ бўлишга олиб келади. Бундан ташқари, томат шарбати организмдаги холестерин даражасини камайтиради.

3-ўрин олма сиркасига берилган. У моддалар алмашинувини фаоллаштиради ва тўпланган ёғдан энергия манбаи сифатида фойдаланади. Вазн ташлаш учун ундан кунига 2-3 ош қошиқ сувга аралаштириб ичиш кифоя қилади.

Рўйхатнинг 4-ўрнини занжабил эгаллаган. Бу модда тўқлик ҳиссини кўпроқ ҳис қилишга имкон беради. Бир стакан занжабил ичимлигини олиш учун қирғичдан 1,5 чой қошиқ занжабил чиқариб, уни 10 дақиқа қайноқ сувда дамлаш лозим.

Рўйхатнинг сўнгги поғонасини оддий ичимлик суви эгаллаган. Кунига 8 стакан сув ичиш қориннинг шишиши ва ҳазм қилиш фаолиятининг бузилишига олиб келувчи дегидратация ривожланиши хавфини камайтиради. Мутахассисларнинг таъкидлашича, организмда сув балансига амал қилиш самарали озишнинг гарови ҳисобланади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019