Ўзбекистонда туризм соҳаси ривожида қандай ўзгаришлар кутилмоқда?

17:33 08 Январь 2019 Welcome to uzbekistan
476 0

Архив фото

Статистик маълумотларга эътибор қаратсак, мамлакатимизга хорижий сайёҳларнинг ташрифи 2017 йилда 32 фоизга, 2018 йилда эса 100 фоизга ўсган. Лекин, масаланинг бошқа жиҳати бор. Туризм соҳасини тартибга солувчи норматив-ҳуқуқий ҳужжатлар ҳали ҳануз мукаммал эмас, меҳмонхоналарнинг ва зарур инфратузилманинг етишмаслиги эса бу йўналишни жадал тараққий этишига имкон бермаётган эди.

Давлатимиз раҳбарининг “Туризм тармоғини жадал ривожлантиришга оид чора-тадбирлар тўғрисида”ги қарори муаммоларга ечим топади. Ушбу ҳужжат билан Ўзбекистон Республикасида туризм соҳасини ривожлантириш концепцияси ҳам тасдиқланди. Унга кўра:

— хорижий сайёҳларни (2018 йилда) 5,3 млн.дан (2025) йилда 9 млн. нафарга ошириш;

— туристик хизматлар экспортини (2018 йилда) 1 млрд. АҚШ долларидан 2,2 млрд. АҚШ долларига етказиш;

— меҳмонхоналар сонини (2018 йилда) 900 тадан (2025 йилда) 2994 тага кўпайтириш кўзда тутилган.

Шунингдек, чет эллик сайёҳлар учун виза режими янада соддалаштирилади. Ҳозирда 30 кунлик виза режими асосида 19 та давлат фуқаролари Ўзбекистонга ташриф буюраётган бўлса, жорий йилнинг 1 февраль кунидан бу рўйхатга яна 45 та давлат қўшилади. Қолаверса, 76 та давлатнинг фуқаролари Ўзбекистонга электрон кириш визасини олиш имкониятига эга бўлади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019