Ўзбекистонда ҳаво ҳарорати кескин пасайиб кетиши кутилмоқда

11:13 01 Ноябрь 2019 Жамият
837 0

3-5 ноябрда Ўзбекистон ҳудудига Ғарбий Қозоғистон орқали Урал туманлари (Екатеринбург) устида шаклланган совуқ ва нам ҳаво оқими кириб келади. Бу ҳақда «Ўзгидромет» хабар тарқатди.

3 ноябрда Қорақалпоғистон ва Хоразм вилоятида айрим жойларга ёмғир ёғади. 4 ноябрда республика бўйича ёмғир, айрим жойларда кучли ёмғир ёғади. Қорақалпоғистон ва Хоразм вилоятида ёғингарчилик бўлмайди.

Шамолнинг тезлиги кучайиб, секундига 18-23 метргача, шиддат билан эсганда секундига 25-28 метргача етиши кутилмоқда.

4-5 ноябрда республика бўйича ҳаво ҳарорати кечаси 0-5 даража илиққача тушиб кетади, айрим жойларда 1-2 даража совуқ билан аёз кузатилиши мумкин, кундузи ҳарорати 8-13 даражагача илиқ, мамлакат шимолида ҳарорат кечаси 3 даража совуқдан 2 даража илиққача, кундузи 3-8 даражагача илийди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?