Ўзбекистонда ҳафта охиригача совуқ ҳаво ҳукмронлик қилади

17:45 04 Ноябрь 2019 Жамият
567 0

5 ноябрдан 9 ноябргача Ўзбекистонда совуқ антициклон ҳукмронлик қилади. Бу ҳақда Ўзгидромет хабар бермоқда.

Манба маълумотларига кўра, кеча республикамизнинг катта қисмида кўпроқ октябрь ойи учун хос бўлган илиқ ва очиқ об-ҳаво кузатилди. Ҳарорат кундузи 22-25 даража илиқ бўлди, бу шу куннинг меъёрий кўрсаткичларидан 3-5 даражага юқори.

Мамлакатимизнинг шимолига Урал ҳудудидан салқин ҳаво оқими кириб келишни бошлади, Хоразм вилояти, Қорақалпоғистонда ёғингарчилик, Устюртда эса биринчи қор ёғди. Ушбу жойларда ҳарорат 10-15 даража, Устюртда айрим жойларда 0 даражагача пасайди. Кечаси совуқ оқим республиканинг барча ҳудудларига тарқалди, мамлакатимиз бўйлаб ёмғир ёғиб, айрим жойларда жалага айланиб ҳарорат кескин пасая бошлади. Бугун ёғингарчилик тўхтайди, ҳарорат 8-10 даражани, шимолда 3-8 даражани ташкил қилади.

5-9 ноябрь кунлари эса об-ҳаво кам булутли бўлиб ёғингарчилик бўлмайди, фақат кечаси ва 5 ноябрь куни тонгда Сурхондарё вилояти ва Фарғона водийси вилоятларида ёмғир ёғиш эҳтимоли сақланиб туради. Кечаси ҳарорат 0-5 даража илиқ, атрофида бўлади, 5-7 ноябрда илк кузги аёз кузатилади, кундузги ҳарорат 5-7 ноябрда 8-13 даража, 8-9 ноябрда 10-15 даража илиқ бўлади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?