Ўзбекистон ва Россия ўртасида қиймати 27 млрд доллардан ортиқ келишувлар имзоланди

12:36 19 Октябр 2018 Иқтисодиёт
1345 0
Фото: Ҳасан Пайдоев / «Халқ сўзи»

18-19 октябрь кунларида РФ президенти Владимир Путиннинг Ўзбекистонга ташрифи муносабати билан Тошкентда икки томон ишбилармон доиралари иштирокида «Ўзбекистон-Россия» ҳудудлараро ҳамкорлик форуми ўтказилмоқда.

Ўзбекистон Иқтисодиёт вазирлиги берган хабарга кўра, учрашувлар ва семинарлар якунларига кўра умумий қиймати 27,1 миллиард долларга тенг 785та битимлар ва меморандумлар имзоланди.

Хусусан, савдо-иқтисодий соҳада 1,76 млрд долларлик 600 битим, инвестиция соҳасида 25,3 млрд долларлик 185 келишув имзоланган.

Эришилган келишувлар эвазига Ўзбекистон ва Россия вакиллари иштирокида 79та қўшма корхона ташкил этилади, 23та янги савдо уйи очилади ва Ўзбекистонда 20та улгуржи савдо марказлари тузилади.

Шунингдек, Ўзбекистон ва Россиянинг саноат корпорациялари соҳасидаги ҳудудий корхоналари ўртасида савдо-иқтисодий масалаларда ҳамкорлик қилиш бўйича 1,2 миллиард долларлик 242 битим ҳамда қўшма инвестицион лойиҳаларни амалга ошириш бўйича 1,4 миллиардлик 136 битим имзоланган.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019