Ўзбекистон Президенти 31 июль куни Беларусга расмий ташриф билан боради

11:05 25 Июль 2019 Сиёсат
498 0

Июль ойи охирида Ўзбекистон Президенти Шавкат Мирзиёевнинг Беларусга биринчи расмий ташрифи бўлиб ўтади. Бу ҳақда РИА Новости мамлакатимизнинг Минскдаги элчиси Носиржон Юсуповга таянган ҳолда хабар берди.

Сафар 31 июль куни бошланади ва 1 августга қадар давом этади. Бу Ўзбекистон раҳбарининг Минскка биринчи расмий ташрифидир.

Таъкидланишича, Минскда ҳамкорликда амалга оширилган ишларнинг айрим якунлари таҳлил қилинади ва янги устувор лойиҳалар белгилаб олинади.

Сал олдин Лукашенко Мирзиёевни унга қулай вақтда кутаётгани ва “дўст ҳамда биродар“ сифатида қарши олишга тайёрлигини айтган эди.

Минскда 29-30 июль кунлари Беларусь ва Ўзбекистон минтақаларининг биринчи форуми бўлиб ўтади. Унда икки мамлакат ҳудудлари, вазирлик ва идоралари, парламентлари ҳамда ишбилармон доиралари вакиллари иштирок этадилар.

Эслатиб ўтамиз, Шавкат Мирзиёевнинг Минскка ташрифи олдидан Беларусда Ўзбекистон маданияти кунлари ўтказилади ҳамда буюк мутафаккир Алишер Навоий бюсти очилиш маросими бўлиб ўтади.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Муштарийлар учун ажойиб янгилик!

Юқоридаги суратда бунинг учун нима қилиш лозимлигини томоша қилишингиз мумкин.

09 Декабрь 2019