Ўзбекистон кўпкари терма жамоаси Бутунжаҳон кўчманчи халқлар ўйинларида Қозоғистондан устун келди

14:12 07 Сентябр 2018 Спорт
1080 0
Фото: Жисмоний тарбия ва спорт вазирлиги

Қирғизистонда бўлиб ўтаётган Бутунжаҳон кўчманчи халқлар ўйинларида улоқ кўпкари баҳсларида Ўзбекистон терма жамоаси муваффақиятли иштирокини давом эттирди.

6 сентябрь куни Ўзбекистон кўпкари жамоаси Қозоғистон кўпкари терма жамоаси билан баҳс ўтказиб, 5:4 ҳисобида ғалабага эришди.

Энди ўзбекистонлик улоқчилар финалда Қирғизистон терма жамоасига қарши кураш олиб боради. Мезбонлар ярим финалда Россия термаси устидан йирик ҳисобда ғалабага эришган.

Қайд этиш керакки, Қозоғистон амалдаги жаҳон чемпиони ҳисобланарди, Ўзбекистон жамоаси эса шу вақтгача ҳеч бир халқаро турнирда финал босқичига йўл олмаганди. Қозоғистон энди россияликлар билан учинчи ўрин учун баҳс олиб боради.

Ўзбекистон кўпкари жамоаси 3 сентябрь куни Бошқирдистон Республикаси вакилларини 20:2 ҳисобида, 5 сентябрь Франция жамоасини 19:6 ҳисобида мағлуб этган ва ярим финал йўлланмасини қўлга киритганди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019