Ўзбекистон Афғонистонда темир йўллар қуриш учун Ҳиндистон компанияларини жалб этмоқчи

16:10 10 Апрель 2018 Иқтисодиёт
1242 0

Ўзбекистон Афғонистондаги Мозори Шариф – Ҳирот темир йўлини қуриш учун Ҳиндистон компанияларини жалб этмоқчи. Бу ҳақида “repost.uz” ахборот манбаси хабар берди.

Маълумки, Президентимизнинг 5 апрелдаги тегишли Фармони билан ўрта муддатли истиқболда асосий хорижий шериклар билан Ўзбекистон Республикасининг ташқи сиёсий ва ташқи иқтисодий ҳамкорлигини ривожлантиришнинг устувор йўналишлари тасдиқланди.

Унда, жумладан, Ўзбекистон Ҳиндистон билан, энг аввало, тиббиёт ва фармацевтика, транспорт коммуникациялари, ахборот технологиялари соҳаларидаги ҳамкорликни кенгайтириш ҳисобига стратегик шерикликни янги мазмун билан тўлдиришни режалаштираётгани айтиб ўтилган.

Бундан ташқари, “Ўзбекистон –Туркманистон – Эрон – Уммон” транспорт йўлагини қуришда биргаликда иштирок этиш, Шимол – Жануб йўлаги доирасида ҳамкорлик қилиш, Тошкентдан Калькутта ва Бангалорга тўғридан-тўғри авиарейслар очиш назарда тутилаяпти.
 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?