Ўзбекистон 79,3 минг тоннадан зиёд қовун-тарвуз экспорт қилди

11:37 16 Сентябр 2020 Жамият
106 0

Жорий йилнинг 1 сентябрь ҳолатига кўра, қиймати 24,4 миллион AҚШ долларига тенг бўлган 79,3 минг тоннадан зиёд қовун-тарвуз хорижга экспорт қилинди. Бу йил Ўзбекистон 18 та давлатга қовун-тарвуз сотган. 

Давлат статистика қўмитаси маълумотларига кўра, қовун-тарвуз экспорти бўйича Қозоғистон 39,9 минг тонна кўрсаткич билан етакчилик қилмоқда. Кейинги ўринларда Россия Федерацияси (16,2 минг тонна) ва Қирғиз Республикасини (14,6 минг тонна) кўриш мумкин.

Маълумот ўрнида, қовун экспортида Жиззах вилояти 7,6 минг тонна ва тарвуз экспортида Қашқадарё вилояти 7,2 минг тонна кўрсаткич билан ҳудудлар орасида етакчилик қилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?