Ўзбек Миллий академик драма театр и жамоаси чекка қишлоқда пахта терди. Мадина Мухторова  1-бўлди.

14:37 20 Сентябр 2019 Жамият
279 0

Ўзбек Миллий академик драма театри ижодкорлари 17-20 сентябрь кунлари пахта теримчиларига кўмаклашиш мақсадида Фарғона вилояти Фарғона тумани Чимён қишлоғида бўлишди. Эрта тонгни хуш кайфият билан қарши олган жамоа илк ишни зиёрат қилишдан бошлади. Улар Хўжаназар Ғойибназар ўғли Ҳувайдо қадамжосига ташриф буюришди. Меҳмонларга аждодимиз томонидан амалга оширилган эзгу ишлар ҳақида сўзлаб берилди.

Ҳувайдо - XVIII аср тасаввуф адабиёти ва фалсафасининг йирик намояндаси. У илоҳиёт илмининг чуқур билимдони, йирик мутасаввиф шоир сифатида миллий маданиятимиз тарихида алоҳида ўрин тутади. Ҳувайдо тахминан 1704 йили Чимён қишлоғида туғилган. 1781 йилда вафот этган. Мазкур мадраса вилоят раҳбарлигида халқ ҳашари йўли билан бунёд этилган. Театр жамоаси ушбу зиёратгоҳдан бир олам маълумотлар билан пахта даласига йўл олишди. Ниҳоят улар манзилга етиб боришди. Оппоқ далалар, кўзни қувонтирувчи лўппи-лўппи чаноқлар кишини пахта теришга ундайди. Театр аҳли илҳом олами вакиллари эмасми, дарров ишга шўнғиб кетишди. Этакларни боғлаб теримга киришишди. Бу ёқдаги бошқа теримчилар бир томондан ҳайрон бўлса, бошқа тарафдан хурсандчиликдан кўзлари қувнаб турибди. Жамоада энг фаоли эса Ўзбекистонда хизмат кўрсатган артист Мадина Мухторова бўлди. У ҳатто якунда биринчиликни қўлга киритиб, тарозининг ёнида терган пахтаси учун пул ҳам олди. Театрчиларга ҳамроҳ бўлган туман ҳокими ҳам “оқ олтин“ терди.

Ўз навбатида ижодкорлар фуқароларга яратилган шароит, имкониятлар билан ҳам яқиндан танишишди. Бинобарин, содда ва самимий инсонларнинг кўзларидаги розилик кайфияти уларни ҳам шод этди.

Театр жамоаси тушликни теримчилар билан бирга қилишди. Хусусан, ҳокимнинг ўзи театр директори Фатхулла Масъудовга шўрвадан солиб берди.

– Оҳ, анчадан бери бунақанги маззали дала овқатини емагандим, ошпазимизга раҳмат – деди Фатхулла ака.

Овқатланишдан сўнг концерт дастури ҳавола этилди. Теримчиларнинг бари рақсга тушиб, мароқли дам олишди. Бир соат давом этган концерт томошадан бир олам таассуротлар олган пахтакорлар раҳмат айтиб яна далага қайтишди.

Ижодкорлар кечки пайт Қирғизистон билан чегарадош ҳудуд Лоғон, Хуршиди Тобон, Вазиё, Гулпиён, Машъал қишлоқларида бўлишди. Беш қишлоқни бирлаштириб турувчи Маданият уйида Эркин Хушвақтов асари асосида Марат Азимов режиссёрлигида саҳналаштирилган “Қирмизи олма” спектакли намойиш этилди. Йиғилганларнинг кулгусидан шуни билдикки, саҳна асари уларга манзур бўлди.

Пахтакор томошабинлар ушбу ижодий учрашувдан боши кўкка етганини айтишар экан, Фарғонанинг чекка бир ҳудудида яшовчи халқнинг ҳолидан хабар олиш, қувонч улашиш савобли иш эканлигини таъкидлашди ва театрчиларга миннатдорчилик билдирди.


Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?


Кўп ўқилганлар

Afisha

Президент топшириқлари қандай бажарилмоқда? Мутасаддилар жавоб берадилар

Ёдингизда бўлса, Президентимиз жорий йил 11 январь куни халқ депутатлари Самарқанд вилояти Кенгашининг навбатдан ташқари сессиясида туман ва шаҳар фаоллари мурожаатларини тинглар экан, улар кўтарган муаммоли масалаларни қисқа муддатда ҳал этиш юзасидан мутасаддиларга тегишли топшириқ ва кўрсатмалар берган эди.

05 Февраль 2019